Skip to content

പഞ്ചാബിനെ 3 റണ്‍സിന് തോല്‍പ്പിച്ച് മുംബൈ പ്ലേ ഓഫ് സാധ്യത സജീവമാക്കി…

Posted in Uncategorized

മുംബൈ: തോല്‍വി മുന്നില്‍ക്കണ്ട മത്സരത്തില്‍ നിന്ന് വിജയത്തിലേക്ക് കുതിച്ചുകയറി മുംബൈ ഇന്ത്യന്‍സ്. നിര്‍ണായകമായ മത്സരത്തില്‍ പഞ്ചാബിനെ 3 റണ്‍സിന് തോല്‍പ്പിച്ച് മുംബൈ പ്ലേ ഓഫ് സാധ്യത സജീവമാക്കി.

മുംബൈ ഉയര്‍ത്തിയ 186 റണ്‍സ് പിന്തുടര്‍ന്നിറങ്ങിയ പഞ്ചാബിനായി മികച്ച ഫോമിലുള്ള രാഹുലും ഫിഞ്ചും ചേര്‍ന്ന് പതിയെ വിജയത്തിലേക്ക് നയിക്കുകയായിരുന്നു. എന്നാല്‍ കൃത്യമായ ഇടവേളയില്‍ ഇരുവരും പുറത്താക്കി ബുംറ മുംബൈയ്ക്ക് വിജയം സമ്മാനിച്ചു.

രാഹുല്‍ 60 പന്തില്‍ 94 റണ്‍സെടുത്തും ഫിഞ്ച് 46 റണ്‍സെടുത്തും പുറത്തായി. മുംബൈക്കായി ബുംറ മികച്ച പ്രകടനമാണ് കാഴ്ചവെച്ചത്. നാലോവറില്‍ 15 റണ്‍സ് വിട്ടുകൊടുത്ത് ബുംറ 3 വിക്കറ്റ് സ്വന്തമാക്കി.

ടോസ് നഷ്ടപ്പെട്ട് ബാറ്റിംഗിനിറങ്ങിയ മുംബൈ നിശ്ചിത ഓവറില്‍ എട്ടുവിക്കറ്റ് നഷ്ടത്തിലാണ് 186 റണ്‍സെടുത്തത്.

ആദ്യം ബാറ്റു ചെയ്ത മുംബൈയ്ക്കായി ഓപ്പണര്‍ സൂര്യകുമാര്‍ അതിവേഗം റണ്‍സടിച്ചെങ്കിലും കൂട്ടുകാരന്‍ ലൂയിസിന് പിടിച്ചുനില്‍ക്കാനായില്ല. എങ്കിലും യാദവിനൊപ്പം ഇഷന്‍ കിഷന്‍ ചേര്‍ന്നതോടെ സ്‌കോറിംഗിന് ജീവന്‍ വെച്ചു.